Јас веќе со оваа полуписменост не можам. Или дајте да се описмениме ко земја, да ја препрочитаме сите од поп до игумен, од кафекуварка до директор, од портир до Груевски, од Командант Цигла до Али Ахмети, сите сите сите до еден да земеме да ја препрочитаме Зоки Поки. Па после Том Соер, па Каренина... Данте не мора да го читаме, и онака нема жив на планетава што го прочитал цел. Или еден брејнвош, масовно на цело село, да не знае никој два и два да собере, и одново да ги реоткриеме Питагоровата теорема, гравитацијата и фактот дека земјата е топка. 

И ќе ми речат после Јована, седи мирна, не јади бабури многу, не се експонирај, опасни времиња се. Да, опасни времиња се зошто сите ќутат ко женски полови органи под кошула дури Латас објаснува што се тоа генератори. Да му се фатите на Игор и на time.mk за генераторот! И да се фатите за работа, еднаш во животот да го сработите она што треба да го работите. 

Од планина симнати со калаши во рака ни се шетаат по улиците бе алооо!!! Кај бевте цел викенд мамичето ваше. Полицијата немала ингеренции за калашите и знамињата, ама ќе помогнела ако некој тоа од нејзе го побарал. Па кој да има бре ингеренции хохштаплери низаедни? Радивојша хаусмајсторот? Он додуше да искочеше, ќе построеше се по список, ама си има човекот двор за средување. 

Знаете што, направете нешто добро за човештвото. Шведска е во криза. Има недостаток на ѓубре кутрата. Спакувајте си по еден куфер и сите таму. И ние раат, и Шведска со парно. Ем ќе ви платат.

П.С. Иначе, Латас honey, FYI you're doing it wrong.